Sovet elmi-fantastika məktəbinin əsasını qoymuş məşhur yazıçı – fantast Aleksandr Belyayev ağır xəstəlikdən həyatının böyük bir hissəsini yataqda keçirmişdir. Yazıçı 70-ə yaxın elmi-fantastik əsər, o cümlədən 13 roman müəllifidir. “Professor Douelin başı” fantastik macəra romanı Aleksandr Belyayev tərəfindən 1925-ci ildə yazılmış və “Ümumdünya bələdçisi” jurnalında nəşr olunmuşdur. Belyayev bu əsəri bir növ avtobioqrafik roman kimi qələmə almış, insanlara iflic vəziyyətdə olmağın, “yalnız başın fəaliyyət göstərməsinin necə bir hiss olması” haqqında danışmaq istəmişdir.

Amerika ədəbiyyatının görkəmli nümayəndələrindən biri Cerom Devid Selincerin (1919-2010) ilk əsəri "Gənc adamlar" adlı hekayə olub.Hekayə 1940-cı ildə işıq üzü görüb. Bundan sonra onun həmin dövrün məşhur jurnallarında 20-dək hekayəsi nəşrolunub. Selincerə dünya şöhrətiniisə 1951-ci ildə yazdığı "Çovdarlıqda uçurumdan qoruyan" romanı gətirib. Qısa müddətdə onlarla xarici ölkədə işıq üzügörən və 60 milyon nüsxədən artıq satılan bu əsər yazıçının yeganə romanıdır. "Çovdarlıqda uçurumdan qoruyan" əsərininqəhrəmanı 16 yaşlı Holden Kolfilddir. Müəllif onun timsalında ətrafdakı hərkəsə, hər şeyə şübhə və etirazla yanaşan yeniyetmə qəhrəman obrazı yaradıb.

Görkəmli fransız yazıçısı Aleksandr Düma (1802–1870) macəralarla zəngin tarixi romanların müəllifi kimi tanınır. Onun qələmindən çıxan “Qraf Monte-Kristo”, “Qrafinya de Monsoro”, “Üç muşketyor”, “Dəmir maskalı adam”, “Qara zanbaq” kimi əsərlər əksər dillərə tərcümə edilib və bu gün də maraqla oxunur. Dümaya dünya şöhrəti qazandıran romanlardan biri də “Kraliçanın boyunbağısı” adlanır. Romanda hadisələr Fran­sa kralı XVI Lüdovikin sarayında cərəyan edir. XVI Lüdovikin kraliça Mariya Antuanetta üçün sifariş etdiyi bahalı bo­yunbağı saray daxilindəki ziddiyyətlər fonunda ağlasığmaz əhvalatların baş verməsinə gətirib çıxarır. Məhz bu sə­bəb­dən də roman son səhifəsinədək birnəfəsə və böyük ma­raqla oxunur...

Amerika yazıçısı Ceyms Fenimor Kuper hinduların həyatını, məişətini və adətlərini təsvir edən ilk və ən məşhur romantik yazarlardandır. Onun əsas qəhrəmanları Yeni Dünyanı fəth edən cəsur avropalılar və Avropa sivilizasiyası qarşısında davam gətirməyib fiziki və mənəvi qətliama düçar olan yerli hindulardır. Ceyms Fenimor Kuperin 1840-cı ildə yazdığı “Ləpirçi” romanı dünya ədəbiyyatı xəzinəsində özünəməxsus yer tutur. Əsərdəki hadisələr XVIII əsrin 50-ci illərində baş verir. Romanın mövzusu fransızlar və ingilislər arasında on illərlə davam edən qanlı müharibədən götürülmüşdür.

Oskar Uayld tarixə parlaq dendi, estet, gözəllik bilicisi və həm də öz kaprizlərindən başqa nəyə desən dözə bilən bir adam kimi daxil olub. Böyük ədəbi istedadı və orijinal hərəkətləri ilə hər zaman şıltaq Britaniya publikasını cəzb edə bilib. Əslində o, cəmiyyətin özünə baxıb zövq almaq istədiyi güzgü idi. Amma bu, bir gün cəmiyyətə ondan üz döndərməyə mane olmadı... Cəmi 46 il ömür sürən bu yazıçının əsərləri yüz ildən çoxdur ki, yaşamaqdadı. Və həm də sənətkarın şəxsiyyəti, bioqrafiyası indi də birmənalı qiymətləndirilmir. Hətta onu da deyim ki, ailəsi onun familiyasından imtina edib. Və bu gün yaşamaqda olan nəvə-nəticəsi də onun adından uzaq durmaqdadı. Qəribə taleyi var Uayldın. Yeganə romanının qəhrəmanına bənzəyir – Dorian Qreyin portretinə. Özünün yaratdığı portretə.